旅游资讯 专题 人文地理 图说香格里拉 摄影俱乐部 景点景区 民风民俗 特色美食 旅游贴士
དབུ་ཤོག > གནས་སྐོར་ལྗོངས་ཁུལ། > ནང་དོན་དངོས་གཞི།
སི་ཁྲོན་དང་ཀན་སུའུ།མཚོ་སྔོན་བཅས་འབྲེལ་མཚམས་དེ་གཙང་གསུམ་སྲུང་སྐྱོང་ཁུལ་དུ་བསྡུ་དགོས་པའི་གྲོས་གཞི་བཏོན།
དུས་ཚོད།:2015-03-16 10:55:02   རྩོམ་ཁུངས།:ཀྲུང་གོའི་བོད་ལྗོངས་དྲ་བ།

ཀན་ལྷོ་རྨ་ཆུའི་རྩྭ་ཐང་གི་མཛེས་ལྗོངས།

        སི་ཁྲོན་དང་ཀན་སུའུ།མཚོ་སྔོན་བཅས་འབྲེལ་མཚམས་ཀྱི་བོད་ཁུལ་ནི་གཙང་གསུམ་མགོ་ཁུངས་ཀྱི་ཁྱབ་ཁོངས་སུ་གཏོགས་པས།སྐྱེ་ཁམས་འདྲ་མཉམ་བྱ་རྒྱུ་གལ་ཆེ་བས།དེ་ཉིད་གཙང་གསུམ་མགོ་ཁུངས་ཀྱི་སྐྱེ་ཁམས་སྲུང་སྐྱོང་ཁྱབ་ཁོངས་སུ་བླངས་ན་འགྲིག་ཅེས་སྤྱི་ཟླ་3པའི་ཚེས་7ཉིན་གྱི་སྔ་དྲོར།མི་རིགས་སྡེ་ཁག་མཉམ་འབྲེལ་ཚོ་ཆུང་གི་གྲོས་མོལ་ཚོགས་འདུའི་ཐོག་ཏུ།རྒྱལ་ཡོངས་སྲིད་གྲོས་ཀྱི་ཨུ་ཡོན་རྡོར་དབྱངས་ལྷ་མོས་དེ་ལྟར་བཤད། 

        སི་ཁྲོན་དང་ཀན་སུའུ།མཚོ་སྔོན་བཅས་འབྲེལ་མཚམས་ཀྱི་བོད་ཁུལ་དུ་ཞིང་ཆེན་གསུམ་གྱི་ཁུལ་ལྔ་དང་། རྫོང་དང་གྲོང་ཁྱེར་ཉེར་དྲུག་བཅས་འདུས་ཡོད། སྤྱིའི་ས་ཁོངས་རྒྱ་ཁྱོན་ལ་སྤྱི་ལེ་གྲུ་བཞི་མ་ཁྲི་25དང་། མི་གྲངས་ཁྲི་177ཡས་མས་ཡོད། ཐེངས་འདིའི་རྒྱལ་ཡོངས་ཚོགས་ཆེན་གཉིས་ཀྱི་ཐོག་ཏུ།རྡོར་དབྱངས་ལྷ་མོས་《སི་ཁྲོན་དང་ཀན་སུའུ།མཚོ་སྔོན་བཅས་འབྲེལ་མཚམས་ཀྱི་བོད་ཁུལ་གཅིག་གྱུར་འཕེལ་རྒྱས་གཏོང་བའི་སྐོར་གྱི་བསམ་འཆར།》ཞེས་པ་གྲ་སྒྲིག་བྱས་ཡོད། 

        རྡོར་དབྱངས་ལྷ་མོས་མཚེའུ་དང་བརླན་ས་ཇེ་ཆུང་དུ་སོང་སྟེ་ས་ཆ་མང་པོར་སྐམ་ཐན་བྱུང་བཞིན་ཡོད་ལ།ས་ཁུལ་སྐོར་ཞིག་བྱེ་ཐང་དུ་འགྱུར་བཞིན་ཡོད་པས།རྩི་ཤིང་ཇེ་ཉུང་དང་ས་ཆུ་ཤོར་ཏེ་ཐན་པ་ཆེན་པོ་བྱུང་བཞིན་ཡོད་ཅེས་བཤད།སི་ཁྲོན་དང་ཀན་སུའུ།མཚོ་སྔོན་བཅས་འབྲེལ་མཚམས་ཀྱི་བོད་ཁུལ་དུ་སྐྱེ་ཁམས་ཇེ་སྡུག་ཏུ་འགྱུར་བཞིན་ཡོད་དེ།དཔེར་ན།སི་ཁྲོན་ཞིང་ཆེན་དཀར་མཛེས་ཁུལ་གསེར་རྟ་རྫོང་ལྟ་བུར་མཚོན་ན། བྱེ་འགྱུར་དང་ཨ་བྲས་གནོད་འཚེ་ཐེབས་པའི་རྩྭ་ཐང་གི་རྒྱ་ཁྱོན་མུའུ་ཁྲི་650ཡོད། ཀན་ལྷོ་ཁུལ་གྱི་རྩྭ་ཐང་བྱེ་འགྱུར་གྱི་རྒྱ་ཁྱོན་མུའུ་ཁྲི་1200ལྷག་ཡོད་པ་རེད། 

        དེ་བས་རྡོར་དབྱངས་ལྷ་མོས།རྒྱལ་ཁབ་ཀྱིས་སི་ཁྲོན་དང་ཀན་སུའུ།མཚོ་སྔོན་བཅས་འབྲེལ་མཚམས་ཀྱི་བོད་ཁུལ་གཅིག་གྱུར་འཕེལ་རྒྱས་གཏོང་བའི་ཚོད་ལྟའི་ཁུལ་བཙུགས་ཏེ།དམིགས་བསལ་གྱིས་རྒྱབ་སྐྱོར་བྱས་ནས། སྐྱེ་ཁམས་དཔལ་ཡོན་འཛུགས་སྐྱོང་ཇེ་དྲག་ཏུ་གཏང་དགོས་པའི་བསམ་འཆར་བཏོན། །

རྩོམ་སྒྲིག་པ།:卓玛央初
གཙོ་སྒྲུབ། ཀྲུང་གུང་སེམས་ཀྱི་ཉི་ཟླ་རྫོང་ཨུ། སེམས་ཀྱི་ཉི་ཟླ་རྫོང་མི་དམངས་སྲིད་གཞུང་།
འགན་སྒྲུབ། སེམས་ཀྱི་ཉི་ཟླ་རྫོང་ཨུའི་ཆ་འཕྲིན་ལག་རྩལ་དོ་དམ་ལྟེ་གནས། སེམས་ཀྱི་ཉི་ཟླ་གློག་རྡུལ་སྲིད་དོན་དོ་དམ་ལྟེ་གནས། 0887-8222726
གྲ་སྒྲིག་ཡིག་ཆའི་ཨང་རྟགས། ཡུན་ནནICP ཨང་རྟགས། 13000589
ལག་རྩལ་རྒྱབ་སྐྱོར། ཡུན་ནན་དྲ་བ།