旅游资讯 专题 人文地理 图说香格里拉 摄影俱乐部 景点景区 民风民俗 特色美食 旅游贴士
དབུ་ཤོག > གནས་སྐོར་ལྗོངས་ཁུལ། > ནང་དོན་དངོས་གཞི།
གཞོང་པ་ལྷ་ཆུ།
དུས་ཚོད།:2015-03-06 11:16:42   རྩོམ་ཁུངས།:གངས་ལྗོངས་ཉི་གཞོན།

 ལྷ་ས་གྲོང་ཁྱེར་སྟོད་ལུང་བདེ་ཆེན་རྫོང་གནས་ཆུང་གྲོང་རྡལ་སེ་མ་གྲོང་ཚོའི་ཁོངས་སུ་གཞོང་པ་ལྷ་ཆུ་ཞེས་པ་ཞིག་ཡོད་པ་དེ་ནི་སྤྱི་ལོའི་དུས་རབས་བརྒྱད་པའི་ནང་བཙན་པོ་ཁྲི་སྲོང་ལྡེ་བཙན་གྱི་དུས་སློབ་དཔོན་པདྨ་འབྱུང་གནས་བོད་དུ་གདན་འདྲེན་སྐབས་བཙན་པོས་ཉིན་རེ་བཞིན་བློན་པོ་རེ་ཕེབས་བསུར་བཏང་བ་ལས་སྟོད་ལུང་གཞོང་པ་མདར་བློན་པོ་ལྷ་བཟང་ཀླུ་དཔལ་དང་མཇལ་དེ་གུང་གི་བྲོ(གུང་ཟས)རན་པ་ན་ཆུ་མེད་པས།སློབ་དཔོན་རིན་པོ་ཆེས་ཕྱག་འཁར་ས་ལ་བཙུགས་ནས་ལྷ་བཟང་ཆུ་བྱུང་གཞོང་པ་གཟེད་ཅིག་གསུངས་ཤིང༌། ཕྱག་འཁར་གྱི་ཤུལ་ནས་ཆུ་མིག་ཅིག་དོན་བྱུང་བས་མིང་ཡང་གཞོང་པ་ལྷ་ཆུ་ཞེས་གྲགས། 

        ཆུ་མིག་དེའི་གཏིང་ཚད་ལ་སྤྱི་ཁྲེ1ནས16དང༌།ཞེང་ཚད་ལ་ལྷོ་ནས་བྱང་དུ་སྤྱི་ཁྲེ10ནས40ཤར་ནས་ནུབ་བར་སྤྱི་ཁྲེ5ནས50ཡོད།ཆུ་མིག་དེའི་ཆུས་ཉེ་སྐོར་གྱི་གྲོང་ཚོའི་འཐུང་ཆུ་ཙམ་མ་ཟད།ས་ཞིང་སོན་ཁལ་བརྒྱད་བརྒྱ་སྐོར་གྱི་ཆུ་ཐག་གཅོད་ཐུབ་ཀྱི་ཡོད། ཆུ་དེས་པགས་ནད་དང༌།རྟ་བོང་གི་སྒལ་རྨ་སོགས་ལ་ཕན་སྟབས་ཐག་རིང་ནས་མི་ཕྱུགས་ནད་བཅོས་བྱེད་མཁན་མང་པོ་ཡོང་གི་ཡོད།དཀར་པོ་བྱེ་མའི་འོག་ནས།ཆུ་མིག་དྭངས་བཟང་དབང་པོ། ཆུ་མིག་དེ་ཡི་ཆུ་ཕུད། ལྷ་སའི་ཇོ་བོ་ལ་ཕུལ་ཡོད། ཅེས་གཞས་གཏོང་སྲོལ་འདུག ཆུ་མིག་དེའི་ཁར་ལྗོན་ཤིང་སྣ་ཚོགས་ཀྱིས་བསྐོར་བ་དང༌།ནང་དུ་རི་མོ་དང་ཚོན་མདོག་སྣ་ཚོགས་བཀྲ་བའི་ཉ་ཐིག་ཤིང་གང་ལྷག་ཙམ་བྱས་པ་མང་པོ་ཡོད་སྟབས་ཉ་དེ་ཚོའི་རི་མོར་གཞིགས་ཏེ་ཉ་རྟ་སྒ་བརྒྱབ་པ་དང་། སྤ་ཕྲུག་གྱོན་པ་ཟེར་བ་སོགས་ཡོད།

ལྕགས་རིའི་ཤར་ངོས་ཀྱི་འོག་ནས་ཆུ་མིག་གི་ཆུ་འགྲོ་རྡོའི་འོར་པའི་འཁྲིས་སུ་མ་ཎི་ཆུ་འཁོར་ཞིག་བཙུགས་པ་དང༌།ཆུ་ཕྱིར་ཐོན་སའི་འཁྱིལ་ཆུ་དེ་ནད་བཅོས་བྱེད་ས་ཡིན་འདུགཆུ་མིག་གི་ནུབ་ངོས་སུ་ལྷ་ཁང་ཞིག་ཡོད་པ་དེར་སློབ་དཔོན་རིན་པོ་ཆེ་སོགས་ཀྱི་སྐུ་བརྙན་ཡོད་པ་དང༌།རི་ལྡེབས་སུ་སློབ་དཔོན་རིན་པོ་ཆེའི་ཞབས་རྗེས་སོགས་མཇལ་རྒྱུ་ཡོད།ཡུལ་དེ་གའི་མང་ཚོགས་ཀྱིས་ཚེས་བཅུ་གཏོང་སྲོལ་ཡོད་པས་དེ་ཉིན་ལྷ་ས་བ་སོགས་མང་ཚོགས་མང་པོ་འདུ་འཛོམས་བྱེད།  རིག་གནས་གསར་བརྗེའི་སྐབས་ལྷ་ཁང་ནང་གཏོར་སྐྱོན་བཏང་བ་མ་ཟད།ཆུ་མིག་དེར་ཡང་རྫས་མེ་གཡུགས་པ་སོགས་བྱས་ཤིང༌།ད་ལྟ་ལྷ་ཁང་ལ་ཉམས་གསོ་བྱས་པའི་ཐོག ཆུ་མིག་དང༌། རྩི་ཤིང༌། ཉ་སོགས་ལ་སྲུང་སྐྱོབ་ཀྱིས་རྫོང་ནས་ཆུ་རྫིང་ལ་ཡང་ལྕགས་རི་གསར་རྒྱག་དང་ཉེ་འགྲམ་དུ་ལྗོན་ཤིང་མང་པོ་གསར་འཛུགས་བྱས་འདུག

རྩོམ་སྒྲིག་པ།:卓玛央初
གཙོ་སྒྲུབ། ཀྲུང་གུང་སེམས་ཀྱི་ཉི་ཟླ་རྫོང་ཨུ། སེམས་ཀྱི་ཉི་ཟླ་རྫོང་མི་དམངས་སྲིད་གཞུང་།
འགན་སྒྲུབ། སེམས་ཀྱི་ཉི་ཟླ་རྫོང་ཨུའི་ཆ་འཕྲིན་ལག་རྩལ་དོ་དམ་ལྟེ་གནས། སེམས་ཀྱི་ཉི་ཟླ་གློག་རྡུལ་སྲིད་དོན་དོ་དམ་ལྟེ་གནས། 0887-8222726
གྲ་སྒྲིག་ཡིག་ཆའི་ཨང་རྟགས། ཡུན་ནནICP ཨང་རྟགས། 13000589
ལག་རྩལ་རྒྱབ་སྐྱོར། ཡུན་ནན་དྲ་བ།